चेन्नई देखि मामल्लपुरम:चिनियाँ राष्ट्रपतिको २४ घण्टा

Share Social Media
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

एनआईबि संवाददाता,नयाँ दिल्ली

भारतदेखि नेपाल सम्मको भ्रमण तालिका अनुरुप चिनिया राष्ट्रपति सी जिनपिंङ शुक्रबार दिउँसो २ बजे एयर चाइनाको विशेष विमानबाट तामिलनायडु राज्यको चेन्नई पुग्दैछन् । भारतीय प्रधानमन्त्री नरेन्द्र मोदीको निमन्त्रणामा भारत आउन लागेका चिनफिङ साँझ ४ बजे चेन्नईबाट बाट ५८ किलोमिटर दक्षिण स्थित ममल्लापुरमकालागि प्रस्थान गर्नेछन् ।

भारतीय विदेश मन्त्रालयले जारी गरेको तालिका अनुसार साँझ ५ बजे प्रधानमन्त्री नरेन्द्र मोदीले जिनपिङलाइ मामल्लपुरमको तीन ऐतिहासिक स्थल (अर्जुनको तपस्यास्थल, पाँच रथ र शोर मन्दिर) को अवलोकन गराउने कार्यक्रम रहेको छ । त्यसपछि अनौपचारिक वार्ताकालागि तय भएको स्थान शोर मन्दिरमा साँस्कृतिक कार्यक्रमसँगै ताजको फिसर्सम्यान कोभमा आयोजना गरिएको रात्रीभोजमा सहभागी भएपछि जिनफिङको शुक्रबारको कार्यक्रम सकिन्छ ।

शनिबार बिहान १० बजे ताज फिसरम्यान्स कोभ रिसोर्टमा मोदी र सीकोे वार्ताको कार्यक्रम रहेको छ । दुवै बीच एक्लाएक्लै करीब एक घण्टा कुराकानी हुने कार्यक्रम रहेको छ । । १० बजेर ५० मिनेटमा उच्च स्तरिय प्रतिनिधीमण्डल सहित छलफल हुने कार्यक्रम रहेको छ । दिवाभोज सम्म चल्ने यो छलफलमा द्धिपक्षिय व्यापार, आतंकबाद र सीमा विवादका विषयमा छलफल हुने भारतीय पक्षको भनाइ छ । एक घण्टाको यो छलफल पछि मोदीका तर्फबाट आयोजना गरिएको लन्चमा सी सहभागी हुनेछन् ।

त्यसको एक घण्टा पछि अर्थात १२ बजेर ४५ मिनेटमा चिनियाँ राष्ट्रपति चेन्नई एयरपोर्टकालागि प्रस्थान गर्नेछन् । त्यहाँबाट १ बजेर ३० मिनेटमा उनी काठमाडौंकालागि प्रस्थान गर्नेछन् । सीको चेन्नईदेखि मामल्लपुरमसम्मको यात्रा अवधि लगघग २४ घण्टाको रहेको छ ।

वुआन देखि मामल्लपुरम

भारत,चीन भुटानको त्रिपक्षिय मुलुकको सीमा दोक्लाममा विवाद चर्किएको बेला चिनको वुआनमा २७–२८ अप्रिल २०१८मा मोदी र चिनफिङबीच अनौपचारिक शिखर वार्ता भएको थियो । त्यसपछि दोक्लाम विवाद शान्त भएको थियो । त्यही वार्ताको दोश्रो श्रृखंला स्वरुप मामल्लपुरमा यो शिखर वार्ता हुन लागेको विदेश मन्त्रालयले अथ्र्याएको छ ।

कश्मीरको विशेषधिकार खारेज गरेको र लद्दाकलाइ कश्मीरबाट अलग्याएर केन्द्र शासन अन्तर्गत राखेको भारतको निर्णयमा चीनको असंतुष्टि कायमै छ । विश्वका अन्य शक्तिशाली मुलुकहरुबाट कश्मीर निर्णयलाइ भारतको आन्तरिक निर्णय भनेर समर्थन जुटाएको भारतलाइ पाकिस्तानले भने चीनको समर्थन लिएर चुनौती दिइनैरहेको छ । चीनका राष्ट्रपतिको भारत भ्रमण अघि पाकिस्तानका प्रधानमन्त्री इमरान खान आफ्नो पक्षमा चीनको खुला समर्थन बोलाउन चीन पुगेका थिए । यस्तो अवस्थामा चीनका राष्ट्रपतिको भारत भ्रमण हुन लागेको छ ।

यद्यपि मोदीले चिनफिङसँगको वार्तामा कश्मीर मुद्दामा कुरा नहुने उल्लेख गरिसकेका छन् । भारतीय विदेश मन्त्रालयका प्रवक्ता रवीश कुमारले यदि चीनका राष्ट्रपतिको तर्फबाट यसमा चासो आयो भने मोदीले उनलाइ बिस्तारमा बताउने स्पष्ट पारेका छन् । यो वार्ता भारत चीन सीमामा उत्पन्न भइरहने तनाव कम गर्ने र द्धिपक्षिय व्यापार सहज ढंगबाट अगाडि बढाउने विषयका साथै विश्वव्यापी रुपमा बढेको आतंकवादका मुद्दामा मुख्य रुपमा केन्द्रित हुने भारतको भनाइ छ ।


Share Social Media
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *

Nepal news headlines | breaking news kathmandu | national news of nepal live