political nepal

सीमा विवाद कूटनीतिक संवादबाट समाधान गरिने

एनआईबि संवाददाता,काठमाडौं
२९जनवरी२०२०

प्रधानमन्त्री केपी शर्मा ओलीले नेपाल भारत सीमा विवाद कुटनीतिक संवादको माध्यमबाट समाधान गरिनेमा आफू विश्वस्त रहेको बताएका छन् । नेपाल कम्युनिष्ट पार्टी कमिटीको दोश्रो पूर्ण बैठकलाइ सम्बोधन गर्दै उनले नेपाली भूगाग लिम्पियाधुरालाई आफ्नो नक्शामा समावेश गरी भारतले नक्शा सार्वजनिक गरेकामा उक्त कार्य सुगौली सन्धिको विरुद्ध रहेको भनी पहिलो पटक लिखित पत्राचार गरी छिमेकी भारतलाई आग्रह गरको र यसबारे आफूले संसदमा विस्तृतरुपमा जानकारी गराउने जनाए ।

उनले भने,‘आपसी संवादको माध्यमबाट सीमा विवादको समाधान गर्न सकिनेछ र त्यही प्रयास गरिरहेका छौँ । सरकारले राष्ट्रहितलाई बेवास्ता गर्दैन । यो राष्ट्रवादी र सत्यका लागि लड्न आँट गर्ने सरकार हो । हामी जोसुकैसँग पनि सार्वभौम समानताका आधारमा कुरा गर्न सक्छौँ ।’––राससबाट सम्पादित

राष्ट्रियसभा निर्वाचनका लागि काँग्रेसको उम्मेदवार चयन

प्रमुख प्रतिपक्षी दल नेपाली काँग्रेसले राष्ट्रियससभाको आगामी माघ ९ गते हुने निर्वाचनका लागि आफ्ना उम्मेदवार टुंगो लगाएको छ । राष्ट्रिय सभा सदस्यकालागि १६ जना उम्मेदवार चयन गरेको पार्टीका मुख्यसचिव कृष्णप्रसाद पौडेलले जानकारी दिए ।

उम्मेदवारको नामावली:

प्रदेश नं १ बाट

नीरबहादुर विश्वकर्मा (पाँचथर) दलित,

मिना पुलामी मगर (सुनसरी) महिला,

राजेन्द्र घिमिरे (झापा) अन्य,

प्रदेश नं २ बाट

नगिना यादव (महोत्तरी) महिला,

भोला पञ्जियार (धनुषा) अल्पसंख्यक/अपांगता,

प्रदेश नं ३ बाट

हरिशरण श्रेष्ठ (सिन्धुपाल्चोक) अन्य,

छलीकुमारी शर्मा उपाध्याय (चितवन)

प्रदेश नं ४ बाट

सूर्यप्रसाद रेग्मी (स्याङ्जा) अन्य,

विमला गौचन (म्याग्दी) महिला,

प्रदेश नं ५ बाट

बालकृष्ण पाण्डे (अर्घाखाँची) अन्य,

गिरिजा न्यौपाने (दाङ) महिला,

मेराज हलवाई (बाँके) अल्पसंख्यक/अपांगता,

प्रदेश नं ६ बाट

डिल्लीराम पाठक (सुर्खेत) अन्य,

सावित्री पौडेल (सुर्खेत) महिला

र प्रदेश नं ७ बाट

प्रताप ठगुन्ना (बैतडी) अन्य,

तुलसी देवकोटा (कैलाली)

काँग्रेसले निर्वाचनमा प्रदेश नं २ मा समाजवादी पार्टीसँग चुनावी तालमेल गर्ने सहमति गरेको छ । उक्त सहमतिअनुसार प्रदेश नं २ मा हुने चार सदस्य पदको निर्वाचनमा काँग्रेस र समाजवादी पार्टीले दुई/दुई पदमा उम्मेदवारी दिनेछन् ।

नेपालको संविधानअनुसार राष्ट्रियसभाका सदस्यको पदावधि छ वर्षको हुन्छ । संविधानको धारा ८६ (३) बमोजिम प्रत्येक दुई वर्षमा पदावधि समाप्त भई रिक्त हुने राष्ट्रियसभाका एक तिहाई सदस्यका लागि निर्वाचन हुँदैछ । राष्ट्रियसभामा ५९ सदस्य हुन्छन् ।

सरकारले उत्तर र दक्षिणी सीमा निरिक्षण गर्न समिति गठन गर्ने

एनआईबि संवाददाता,काठमाडौं

सरकारले नेपाल–भारत र नेपाल–चीन सीमा निरीक्षण गर्न समिति गठन गर्ने भएको छ । मन्त्रिपरिषद्को गत कात्तिक २९ र यही मङ्सिर ३ गते भएको बैठकको निर्णय सार्वजनिक गर्दै सरकारका प्रवक्ता संचार सूचना तथा सुचना प्रविधि मन्त्री गोकुल प्रसाद बाँस्कोटाले सो जानकारी गराएका हुन् ।

समितीले भारत र चीनतर्फ नेपालसँग जोडिएको सीमाको अवस्था र सीमास्तम्भबारे अध्ययन गर्ने मन्त्री वाँस्कोटाले बताए । भारतले नेपाली भुमी लिपुलेक कालापानी र लिम्पियाधुरा सहितको नयाँ राजनीतिक नक्सा सार्वजानिक गरेपछि सरकारले समिति निर्माणमा चासो देखाएको हो ।

समितीमा परराष्ट्र,गुह,भुमि व्यवस्थापन लगायत अन्य सम्बन्धित मन्त्रालयका प्रतिनिधी रहन्छन र यसले तीन महिनाभित्र परराष्ट्र मन्त्रालयमा प्रतिवेदन बुझाउने मन्त्री बाँस्कोटाले जानकारी गराए ।
सञ्चार तथा सूचना प्रविधि मन्त्रालयमा विहिबार आयोजित पत्रकार सम्मेलनमा नेपालका दुवै छिमेकी मुलुक भारत र चीनसँगको सीमा निरीक्षणका लागि छुट्टाछुट्टै समिति गठन गरिने जानकारी गराए ।

Diplomatic efforts have begun to return encroached land: PM Oli

Nepinbiz Correspondent, Kathmandu

Prime Minister KP Sharma Oli has said that the government was working to resolve border-related disputes with India. The encroached land will be taken back through diplomatic dialogue with India, he said. Talking to members of the reshuffled cabinet and secretaries at the Office of the Prime Minister and Council of Ministers today, he said that facts show that Kalapani, Lipulek and Limpiyadhura are Nepali territory, but India has claimed over it as attention was not paid towards it for a long time.

“Now we need to talk to our neighbors seriously about the matter through diplomatic channel, and we can re-establish our rights and return back our territory,” he said. Emphasizing on the need for coordination and collaboration among the ministries for development works, Prime Minister Oli directed the Ministers to develop a report on the status of work under their ministries within four days. He urged the ministers to make the people aware about good works done by the government and wipeout rumours. —RSS

राष्ट्रपतिबाट नवनियुक्त मन्त्रीहरुलाई शपथ

एनआईबि संवाददाता,काठमाडौं

राष्ट्रपति विद्यादेवी भण्डारीले नवनियुक्त मन्त्रीहरुलाई विहिबार पद तथा गोपनीयताको शपथ गराएकी छन् । राष्ट्रपति भवन, शीतलनिवासमा आयोजित विशेष समारोहमा उनले संघीय मामिला तथा सामान्य प्रशासन मन्त्री हृदयेश त्रिपाठी, कृषि तथा पशुपन्छी विकासमन्त्री घनश्याम भुसाल, उद्योग, वाणिज्य तथा आपूर्तिमन्त्री लेखराज भट्ट, श्रम, रोजगार तथा सामाजिक सुरक्षामन्त्री रामेश्वर राय यादव, भौतिक पूर्वाधार तथा यातायातमन्त्री वसन्तकुमार नेम्बाङ र महिला, बालबालिका तथा ज्येष्ठ नागरिकमन्त्री पार्वत गुरुङलाई शपथ गराएकी हुन् ।

सोही समारोहमा प्रधानमन्त्री केपी शर्मा ओलीले नवनियुक्त राज्यमन्त्रीहरुलाई पद तथा गोपनीयताको शपथ गराए । उद्योग राज्यमन्त्री मोतीलाल दुगड, स्वास्थ्य तथा जनसङ्ख्या राज्यमन्त्री नवराज रावत र शहरी विकास राज्यमन्त्री रामवीर मानन्धर थिए ।

तस्वीर : रासस

राष्ट्रपति भण्डारीले बुधबार नेपालको संविधानको धारा ७६ को उपधारा (९) बमोजिम प्रधानमन्त्रीको सिफारिसमा मौजूदा मन्त्रिपरिषद नियुक्ति, हेरफेर र कार्य विभाजन गरेकी थिइन । २०७४ फागुन ३ गते गठन भएको ओली नेतृत्वको मन्त्रिपरिषदमा यसअघि पनि विभिन्न समयमा नियुक्ति, फेरबदल र कार्यविभाजन भएको थियो ।

PM Oli Reshuffled cabinet

Nepinbiz Correspondent, Kathmandu

President Bidya Devi Bhandari has, on the recommendation of the Prime Minister and in accordance with Article 76 (9) of the Constitution, reshuffled the Council of Ministers with some new appointments, omission and changes in portfolio.

The new Council of Ministers is as follows:

    1. KP Sharma Oli – Prime Minister
    2. Iswar Pokharel – Deputy Prime Minister Defense
    3. Upendra Yadav – Deputy Prime Minister Law, Justice and Parliamentary Affairs
    4. Ram Bahadur Thapa – Minister Home
    5. Pradeep Kumar Gyawali – Minister Foreign Affairs
    6. Hridayesh Tripathi – Minister Federal Affairs and General Administration
    7. Girirajmani Pokharel – Minister Education, Science and Technology
    8. Barshaman Pun – Minister Energy, Water Resources and Irrigation
    9. Ghanashyam Bhusal – Minister Agriculture and Livestock Development
    10. Bhanubhakta Dhakal – Minister Health and Population
    11. Lekhraj Bhatta – Minister Industry, Commerce and Supplies
    12. Yogesh Kumar Bhattarai – Minister Culture, Tourism and Civil Aviation
    13. Shakti Bahadur Basnet – Minister Forest and Environment
    14. Rameswar Raya Yadav – Minister Labour, Employment and Social Security
    15. Dr Yubaraj Khatiwada – Minister Finance
    16. Mohammad Istiyak Rai – Minister Urban Development
    17. Jagat Bahadur Sunar (Biswakarma) – Minister Youth and Sports
    18. Gokul Prasad Banskota – Minister Communications and Information Technology
    19. Padma Kumari Aryal – Minister Land Management, Cooperatives and Poverty Alleviation
    20. Bina Magar – Minister Drinking Water
    21. Basant Kumar Nembang – Minister Physical Infrastructure and Transportation
    22. Parbat Gurung – Minister Women, Children and Senior Citizens
    23. Moti Lal Dugad – Minister of State Industry, Commerce and Supplies
    24. Nawaraj Rawat – Minister of State Health and Population
    25. Rambir Manandhar – Minister of State Urban Development

This is stated in a statement issued by assistant spokesperson of the Office of the President Keshav Prasad Ghimire. In the new cabinet, Hridayesh Tripathi, Ghanashyam Bhusal, Lekhraj Bhatta, Rameswar Raya Yadav, Basant Kumar Nembang and Parbat Gurung are the new ministers while all three Ministers of State including Moti Lal Dugad, Nawaraj Rawat and Rambir Manandhar are new additions.

प्रधानमन्त्री ओलीले गरे मन्त्रीपरिषद पूर्नगठन

एनआईबि संवाददाता,काठमाडौं

प्रधानमन्त्री केपी शर्मा ओली नेतृत्वको वर्तमान मन्त्रिपरिषद् पुनर्गठन गरिएको छ । प्रधानमन्त्री ओलीको सिफारिसमा राष्ट्रपति विद्यादेवी भण्डारीले नेपालको संविधानको धारा ७६ को उपधारा ९ बमोजिम बुधबार साँझ २५ सदस्यीय नयाँ मन्त्रिमण्डलको पुनर्गठन गरेकी हुन् ।

नयाँ मन्त्रीमा हृदयश त्रिपाठी, घनश्याम भुसाल, लेखराज भट्ट, रामेश्वर राय यादव, वसन्तकुमार नेम्वाङ र पार्वत गुरुङ छन् ।

त्यस्तै राज्यमन्त्रीमा मोतीलाल दुगड, नवराज रावत र रामवीर मानन्धर रहेको, राष्ट्रपति कार्यालयद्धारा जारी विज्ञप्तिमा उल्लेख छ ।

वर्तमान मन्त्रिमण्डलबाट बिदा हुनेमा संघीय मामिला तथा सामान्य प्रशासनमन्त्री लालबाबु पण्डित, कृषि तथा पशुपन्छी विकासमन्त्री चक्रपाणि खनाल, श्रम रोजगार तथा सामाजिक सुरक्षामन्त्री गोकर्ण विष्ट, भौतिक पूर्वाधार तथा यातायातमन्त्री रघुवीर महासेठ, महिला, बालबालिका तथा ज्येष्ठ नागरिकमन्त्री थममाया थापा र उद्योग, वाणिज्य तथा आपूर्तिमन्त्री मातृकाप्रसाद यादव छन् । त्यसैगरी राज्यमन्त्री धनबहादुर बुढा, रामकुमारी चौधरी र सुरेन्द्रकुमार यादवलाइ हटाइएको छ ।

त्यस्तै उपप्रधानमन्त्री उपेन्द्र यादवलाइ स्वास्थ्य मन्त्रालयबाट हटाएर कानून, न्याय तथा संसदीय मामिला मन्त्रालय दिइएको छ । कानुनमन्त्री भानुभक्त ढकाललाइ स्वास्थ्य तथा जनसङ्ख्या मन्त्रालयको जिम्मेबारी दिइएको छ । २०७४ फागुन ३ गते ओलीको नेतृत्वमा पहिलो मन्त्रिपरिषद् गठन भएको थियो ।

नयाँ मन्त्रिपरिषद्ः–
१ श्री केपी शर्मा ओली -प्रधानमन्त्री
२ श्री ईश्वर पोखरेल -उपप्रधानमन्त्री रक्षा
३ श्री उपेन्द्र यादव -उपप्रधानमन्त्री कानून, न्याय तथा संसदीय मामिला
४ श्री रामबहादुर -थापा गृहमन्त्री गृह
५ श्री प्रदीपकुमार ज्ञवाली -परराष्ट्र मन्त्री
६ श्री हृदयेश त्रिपाठी -सङ्घीय मामिला तथा सामान्य प्रशासनमन्त्री
७ श्री गिरीराजमणि पोखरेल- शिक्षा, विज्ञान तथा प्रविधि मन्त्री
८ श्री वर्षमान पुन -ऊर्जा, जलस्रोत तथा सिँचाइ मन्त्री
९ श्री घनश्याम भुसाल -कृषि तथा पशुपन्छी विकास मन्त्री
१० श्री भानुभक्त ढकाल -स्वास्थ्य तथा जनसङ्ख्या मन्त्री
११ श्री लेखराज भट्ट -उद्योग, वाणिज्य तथा आपूर्ति मन्त्री
१२ श्री योगेशकुमार भट्टराई -संस्कृति, पर्यटन तथा नागरिक उड्डयन मन्त्री
१३ श्री शक्तिबहादुर बस्नेत -वन तथा वातावरण मन्त्री
१४ श्री रामेश्वर राय यादव -श्रम, रोजगार तथा सामाजिक सुरक्षा मन्त्री
१५ डा. युवराज खतिवडा -अर्थमन्त्री
१६ श्री मोहम्मद इश्तियाक राई -सहरी विकास मन्त्री
१७ श्री जगतबहादुर सुनार (विश्वकर्मा)- युवा तथा खेलकुद मन्त्री
१८ श्री गोकुलप्रसाद बाँस्कोटा -सञ्चार तथा सूचना प्रविधि मन्त्री
१९ श्री पद्माकुमारी अर्याल – भूमि व्यवस्था, सहकारी तथा गरिबी निवारण मन्त्री
२० श्री बीना मगर -खानेपानी मन्त्री
२१ श्री वसन्तकुमार नेम्वाङ -भौतिक पूर्वाधार तथा यातायात मन्त्री
२२ श्री पार्वत गुरुङ -महिला, बालबालिका तथा ज्येष्ठ नागरिक मन्त्री
२३ श्री मोतीलाल दुगड -उद्योग, वाणिज्य तथा आपूर्ति राज्यमन्त्री
२४ श्री नवराज रावत -स्वास्थ्य तथा जनसङ्ख्या राज्यमन्त्री
२५ श्री रामवीर मानन्धर- सहरी विकास राज्यमन्त्री

NCP Secretariat Meeting decision- Oli to run government and Prachanda the party

The Secretariat meeting of the ruling Nepal Communist Party (NCP) has finalized the work division of the party’s the two chairmen to make the role of the party and the government more effective. The meeting held at the Prime Minister’s official residence at Baluwatar wednesday decided that party chair and Prime Minister KP Sharma Oli would run the government while another chairman Pushpa Kamal Dahal ‘Prachanda’ will run the party with the executive role.

“Decision has been made according to which Chairman Oli will concentrate on the government’s works in the capacity of the Prime Minister while another chairman Prachanda will concentrate on running the party with the executive responsibility,” party spokesman Narayan Kaji Shrestha said. The meeting also decided that PM Oli will alone lead the government for the entire term of the present House of Representatives, giving a message of political stability.

The meeting has however retained the previous order of precedence of the Chairmen duo. A decision has been made by which the two chairmen will jointly chair the party’s meetings but Chairman Prachanda will conduct the meeting’s proceedings.

Similarly, a decision has been taken to run the party and the government through mutual consultations between the two chairmen. Spokesman Shrestha said that no discussions were held on the topic of Cabinet reshuffling in the meeting. The party spokesman however said that the Prime Minister would reconstitute the Council of Ministers at the earliest. —RSS

दोश्रो अनौपचारिक शिखर वार्ताकालागि चिनियाँ राष्ट्रपति भारत आउंदै , नेपालको राजकीय भ्रमण गर्ने

चिनफिङले नेपाल र भारतमा एक एक रात बिताउने

एनआईबि संवाददाता,नयाँ दिल्ली/काठमाडौं

चिनियाँ राष्ट्रपति सी चिनफिङको बहुप्रतीक्षित भारत र नेपालको  औपचारिक भ्रमणको मिति सार्वजानिक गरिएको छ । बुधबार चिनियाँ विदेश मन्त्रालयले राष्ट्रपति सीको त्रिदिवसीय भ्रमण  सार्वजानिक गरेपछि भारतीय विदेश मन्त्रालय र नेपालको परराष्ट्र मन्त्रालयले यो भ्रमण तालिका सार्वजानिक गरेको हो । शुक्रबार भारत र शनिबार नेपालको भ्रमण सकाएर राष्ट्रपति चिनफिङ सोमबार बेइजिंग फर्किने कार्यक्रम रहेको तालिका सार्वजानिक भएको छ । चीनको विदेश मन्त्रालयका अनुसार चिनफिङ भारतको ममल्लापुरमा भारतीय प्रधानमन्त्रीसँग अनौपचारिक बैठकमा सहभागी हुने र नेपालको राजकीय भ्रमण गर्ने भएका हुन् ।

भारतमा जिनफिङको एक रात

भारतीय प्रधानमन्त्री नरेन्द्र मोदीको निमन्त्रणामा भारत आउन लागेका चिनफिङ शनिबार तामिलनायडु राज्यको चेन्नई शहर पुग्दैछन् । चेन्नईबाट बाट ५८ किलोमिटर दक्षिण स्थित ममल्लापुरममा भारतीय प्रधानमन्त्री मोदी र चिनियाँ राष्ट्रपतिबीच अनौपचारिक वार्ता हुने कार्यक्रम रहेको भारतीय विदेश मन्त्रालयले जनाएको छ ।

शुक्रबार दिउँसो जिनपिंग चेन्नई उत्रने कार्यक्रम रहेको छ । त्यसपछि मोदी र जिनपिंगबीच चिया भेटको कार्यक्रम रहेको छ। साँझ ५ बजे उनीहरु ममल्लापुरमको प्रमुख ४ स्मारक अवलोकन गर्ने कार्यक्रम रहेको छ । त्यसपछि अनौपचारिक वार्ताकालागि तय भएको स्थान शोर मन्दिरमा साँस्कृतिक कार्यक्रमसँगै ताजको फिसर्सम्यान कोभमा आयोजना गरिएको रात्रीभोजमा सहभागी भएपछि जिनफिङको शुक्रबारको कार्यक्रम सकिन्छ ।

शनिबार सोही परिसरमा मोदी र जिनफिङबीच अनौपचारिक वार्ता हुनेछ । दिवाभोज सम्म चल्ने यो वार्तामा द्धिपक्षिय व्यापार, आतंकबाद र सीमा विवादका विषयमा छलफल हुने भारतीय पक्षको भनाइ छ ।

भारत,चीन भुटानको त्रिपक्षिय मुलुकको सीमा दोक्लाममा विवाद चर्किएको बेला चिनको वुआनमा २७–२८ अप्रिल २०१८मा मोदी र चिनफिङबीच अनौपचारिक वार्ता भएको थियो । त्यसपछि दोक्लाम विवाद शान्त भएको थियो । त्यही वार्ताको दोश्रो कडीको रुपमा यो वार्ता हुन लागेको विदेश मन्त्रालयले अथ्र्याएको छ ।

कश्मीरको विशेषधिकार खारेज गरेको र लद्दाकलाइ कश्मीरबाट अलग्याएर केन्द्र शासन अन्तर्गत राखेको भारतको निर्णयमा चीनको असंतुष्टि रहेको छ । विश्वका अन्य शक्तिशाली मुलुकहरुबाट कश्मीर निर्णयलाइ भारतको आन्तरिक निर्णय भनेर समर्थन जुटाएको भारतलाइ पाकिस्तानले भने चीनको समर्थन लिएर चुनौती दिइनैरहेको छ । चीनका राष्ट्रपतिको भारत भ्रमण अघि पाकिस्तानका प्रधानमन्त्री इमरान खान आफ्नो पक्षमा चीनको खुला समर्थन बोलाउन चीन पुगेका थिए । यस्तो अवस्थामा चीनका राष्ट्रपतिको भारत भ्रमण हुन लागेको छ ।

यद्यपि मोदीले चिनफिङसँगको वार्तामा कश्मीर मुद्दामा कुरा नहुने उल्लेख गरिसकेका छन् । भारतीय विदेश मन्त्रालयका प्रवक्ता रवीश कुमारले यदि चीनका राष्ट्रपतिको तर्फबाट यसमा चासो आयो भने मोदीले उनलाइ बिस्तारमा बताउने स्पष्ट पारेका छन् । यो वार्ता भारत चीन सीमामा उत्पन्न भइरहने तनाव कम गर्ने र द्धिपक्षिय व्यापार सहज ढंगबाट अगाडि बढाउने विषयका साथै विश्वव्यापी रुपमा बढेको आतंकवादका मुद्दामा मुख्य रुपमा केन्द्रित हुने भारतको भनाइ छ ।

नेपालमा सी जिनफिङको एक रात

चेन्नईको भ्रमण सकाएर सी जिनफिङ शनिबार साँझ काठमाडौ पुग्ने कार्यक्रम रहेको छ । सीलाइ त्रिभुवन विमानस्थलमा राष्ट्रपति विद्यादेवी भण्डारीले स्वागत गर्ने कार्यक्रम रहेको छ । शनिबार भण्डारीले सीको सम्मानमा आयोजना गर्ने रात्रीभोजमा सहभागी हुने कार्यक्रम रहेको छ ।

त्यसैगरि सीले प्रधानमन्त्री के.पी.शर्मा ओलीसँग डेलिगेसन सहितको औपचारिक वार्ता गर्नेछन् । अन्य राजनीतिक दलका प्रमुख नेताहरुसँग पनि सीले भेटने कार्यक्रम रहेको छ ।

जिनफिङको यो भ्रमण यस अर्थमा महत्वपूर्ण रहेको छ कि २३ वर्षको अन्तरालमा चीनका तर्फबाट कुनै राष्ट्र प्रमुखले नेपाल भ्रमण गर्दैछन् । यस अघि सन् १९९६मा तात्कालिन राष्ट्रपति जियाङ जेमिन नेपालको भ्रमण गरेका थिए । त्यस यता चीनबाट यो स्तरको भ्रमण भएको थिएन् ।

सीको पहिलो कार्यकालमा सन् २०१६मा नेपाल भ्रमण गर्ने चर्चा चलेपनि त्यो स्थगित भएको थियो । यसअघि २०१२मा चिनिया प्रधानमन्त्री वेन जियाबाओले नेपाल भ्रमण गरेका थिए ।

केरुङ काठमाडौं रेलमार्ग निर्माणको घोषणा र संझौता यो भ्रमणको मुख्य हाइलाइट रहेको छ । यद्यपि यो रेलमार्ग निर्माणको संझौतामा नेपालले निकै सावधानी पुरयाएर गर्नुपर्ने सुझाव आएका छन् । पूर्ण रुपमा अनुदान सहयोगमा बनाइदिन चीनलाइ आग्रह गनपर्नेु सुझाव समाजवादी पार्टीका अध्यक्ष तथा पूर्वप्रधानमन्त्री डा बाबुराम भट्टराईले दिएका छन् । यसका अलाबा यो भ्रमणमा सडक निर्माण, उर्जा लगायतका क्षेत्रमा पनि संझौताहरु हुन सक्ने अनुमान गरिएको छ ।

दिल्लीमा नेपाली विद्यार्थीहरुको दशैँ

एनआईबि सम्वाददाता,नयाँदिल्ली

नेपालीहरुको महान चाड बडादशैँ प्रवासमा रहेका नेपालीहरुले पनि हर्षोल्लासका साथ मनाएका छन । विभिन्न सिलसिलामा भारतबाट घर फर्किन नपाएका प्रवासी नेपालीहरुले विजयादशमीको दिन टिका लगाएर रमाइलो गर्दै दशैँ मनाएका छन् ।

अध्ययनका सिलसिलामा दिल्लीको लक्ष्मीनगरमा अध्ययनरत सिए विद्यार्थी र दिल्ली विश्वविद्यालयमा अध्ययनरत नेपाली विद्यार्थीहरुले छुट्टा छुट्टै कार्यक्रमको आयोजना गरि विजयादशमी मनाएका हुन ।

दशैं मनाउन घर जान नपाएकाहरुकलागी हातेमालो नेपाली विद्यार्थी समूहले  लक्ष्मीनगरमा र दिल्ली विश्वविद्यालयको नेपाली विद्यार्थी संगठनले कमला नगरमा टिका जमरा कार्यक्रमको आयोजना गरेको थियो  ।

लक्ष्मी नगरमा गरिएको समारोहमा बोल्दै हातेमालो नेपाली विद्यार्थी समूहका अध्यक्ष रोशन यादवले अध्ययनका कारण घर जान नसकेका विद्यार्थीहरुकालागि हरेक वर्ष टिकाजमराको कार्यक्रम गर्दै आएको बताए।

समारोहमा दिल्लीको कडकडडुमास्थित पशुपतिनाथ मन्दिरका पुजारी पण्डित यदुनाथले विद्यार्थीहरुलाई टिका जमरा प्रदान गरेका थिए । हरेक वर्ष यदुनाथले विद्यार्थीहरुलाई टिका लगाउने गरेका छन् ।

दिल्ली विश्वविद्यालयको नेपाली विद्यार्थी संगठनले गरेको टिका जमरा कार्यक्रममा विद्यार्थीहरुका साथै प्रवासी नेपालीहरुको पनि उपस्थिति रहेको थियो । रेशम कुमार गैरे अध्यक्ष रहेको संगठनले परिवारबाट टाढा रहेका नेपलिहरुकलागि कार्यक्रम गर्ने गरेको बताए ।समारोहमा उपस्थित नेपाली विद्यार्थीहरुलाई सेलरोटी सहित नेपाली खाना ख्वाइएको थियो ।

Nepal news headlines | breaking news kathmandu | national news of nepal live