जुन महिनामा कोरोना संक्रमणको समीक्षा पछि भारतका सिनेमा हलहरु खोल्ने विषयमा निर्णय गरिनेछः केन्द्रिय मन्त्री जावडेकर

Share Social Media
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

मुम्बई, जुन ४

कोराना कहरका कारण इतिहासमै पहिलो पटक लामो समयसम्म सिनेमा हलहरु बन्द भएका छन् । भारतका फिल्म निर्माताहरु सिनेमा हल खुल्ने व्यग्र प्रतीक्षामा छन् । ताकि उनीहरुका फिल्महरु रिलिज गर्न सकुन । कोरोनासँगै जीवनपद्धति सुचारु गर्न भारतमा चरणबद्ध रुपमा मंगलबारदेखि भारतमा लकडाउन हटाएर अनलक फस्र्ट लागु गरिसकिएको छ ।

यसैबीच केन्द्रिय सुचना तथा प्रसारण मन्त्री प्रकाश जावडेकरले जुन महिनाभित्र कोविड १९ महामारीको स्थितिलाइ गम्भीरतापूर्वक समीक्षा गरेपछि सिनेमा हल खोल्ने माँगको विषयमा जाँच गरिने बताएका छन् । मन्त्री जावडेकरले फिल्म निर्माता,सिनेमा हल संचालक तथा फिल्म उद्योग जगतका प्रतिनिधिहरुसँग भिडियो कन्फरेन्स मार्फत यो जानकारी साझा गरे ।

बैठकमा मन्त्री जावडेकरले महामारीका कारण चलचित्र उद्योगमा आइपरेका सबै समस्याका बारेमा छलफल गरे । मन्त्रीले उद्योगीहरुले गरेकोे तलब अनुदान, तीन वर्षकोलागि बिना ब्याज ऋण, कर छुट र औधोगिक दरमा विद्युत र न्यूनतम माँग शुल्क माफीको माँगलाइ सकारात्म ढंगबाट लिएको बताए ।

जावडेकरले उद्योगका माँगहरु सम्बन्धित अधिकारीहरुसँगै बुझ्ने आश्वासन पनि दिए । भारतमा रहेका ९५०० सिनेमा हलहरुमा टिकट बिक्रिबाट मात्र दैनिक ३० करोड रुपैयाको हाराहारीमा व्यापार हुने गरेको तथ्याँक छ । –समाचार श्रोत : भारतीय मनोरंजन अनलाइन


Share Social Media
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *

Nepal news headlines | breaking news kathmandu | national news of nepal live