दिल्लीमा नेपाली विद्यार्थीहरुको दशैँ

Share Social Media
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

एनआईबि सम्वाददाता,नयाँदिल्ली

नेपालीहरुको महान चाड बडादशैँ प्रवासमा रहेका नेपालीहरुले पनि हर्षोल्लासका साथ मनाएका छन । विभिन्न सिलसिलामा भारतबाट घर फर्किन नपाएका प्रवासी नेपालीहरुले विजयादशमीको दिन टिका लगाएर रमाइलो गर्दै दशैँ मनाएका छन् ।

अध्ययनका सिलसिलामा दिल्लीको लक्ष्मीनगरमा अध्ययनरत सिए विद्यार्थी र दिल्ली विश्वविद्यालयमा अध्ययनरत नेपाली विद्यार्थीहरुले छुट्टा छुट्टै कार्यक्रमको आयोजना गरि विजयादशमी मनाएका हुन ।

दशैं मनाउन घर जान नपाएकाहरुकलागी हातेमालो नेपाली विद्यार्थी समूहले  लक्ष्मीनगरमा र दिल्ली विश्वविद्यालयको नेपाली विद्यार्थी संगठनले कमला नगरमा टिका जमरा कार्यक्रमको आयोजना गरेको थियो  ।

लक्ष्मी नगरमा गरिएको समारोहमा बोल्दै हातेमालो नेपाली विद्यार्थी समूहका अध्यक्ष रोशन यादवले अध्ययनका कारण घर जान नसकेका विद्यार्थीहरुकालागि हरेक वर्ष टिकाजमराको कार्यक्रम गर्दै आएको बताए।

समारोहमा दिल्लीको कडकडडुमास्थित पशुपतिनाथ मन्दिरका पुजारी पण्डित यदुनाथले विद्यार्थीहरुलाई टिका जमरा प्रदान गरेका थिए । हरेक वर्ष यदुनाथले विद्यार्थीहरुलाई टिका लगाउने गरेका छन् ।

दिल्ली विश्वविद्यालयको नेपाली विद्यार्थी संगठनले गरेको टिका जमरा कार्यक्रममा विद्यार्थीहरुका साथै प्रवासी नेपालीहरुको पनि उपस्थिति रहेको थियो । रेशम कुमार गैरे अध्यक्ष रहेको संगठनले परिवारबाट टाढा रहेका नेपलिहरुकलागि कार्यक्रम गर्ने गरेको बताए ।समारोहमा उपस्थित नेपाली विद्यार्थीहरुलाई सेलरोटी सहित नेपाली खाना ख्वाइएको थियो ।


Share Social Media
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *

Nepal news headlines | breaking news kathmandu | national news of nepal live