ECO-POLITICLE

ओली र मोदीद्धारा विराटनगरस्थित एकीकृत जाँच चौकीको संयुक्त उदघाटन

एनआईबि संवाददाता,नयाँ दिल्ली

प्रधानमन्त्री केपी शर्मा ओली र उनका भारतीय समकक्षी नरेन्द्र मोदीले विराटनगरस्थित एकीकृत भंसार चौकीको भिडियो कन्फरेन्स मार्फत संयुक्त रुपमा उदघाटन गरेका छन् । मंगलबार बिहान प्रम ओलीले सिंहदरबार र प्रम मोदीले दिल्लीबाट एकै समयमा उदघाटन गरेका हुन् । भारतसँग संझौता भएको १४ वर्षपछि यो चौकी निर्माण सम्पन्न भएको हो ।

भारत सरकारद्धारा निर्माण गरिएको सो चौकी मंगलबार नेपाल सरकारलाइ हस्तान्तरण गरिएको हो । विराटनगर भन्सार कार्यालयबाट हुने सबै काम एकीकृत जाँचचौकीबाट शुरु भएपछि विराटनगर रानीसँग जोडिएर रहेको जोगबनी बजार पनि सहज हुने र सवारीको चाप स्वतः घट्ने विश्वास गरिएको छ ।

विराटनगर भन्सार कार्यालयदेखि पूर्व भारत सिमानासँग जोडिएको बुधनगरमा सो चौकी निर्माण गरिएको छ । चौकी १ सय २९ १२९ बिघा क्षेत्रफलमा निर्माण गरिएको छ ।

आइसीपी निर्माणकालागि भारत सरकारसँग सन् २००६ मै सम्झौता भए पनि यसको निर्माण दश वर्षपछि अर्थात सन् २०१६ देखि शुरु भएको थियो ।

फागुनदेखि कुर्था–जयनगर रेल कुदाउने तयारी

२० जनवरी २०२०

धनुषाको कुर्थादेखि भारतको जयनगरसम्म रेल कुदाउने अन्तिम तयारी भइरहेको छ । भारतमा निर्माण भइरहेको रेलसेटको पर्खाइमा रहेको रेल विभागका अनुसार फागुन सम्म यो रुटमा रेल कुद्नेछ ।

भारतको कोनकान कम्पनीबाट खरीद गरिएको रेल डिब्बा यही माघको अन्तिम साता सम्म नेपाल पुग्ने रेल विभागका महानिर्देशक बलराम मिश्रले जानकारी दिए । अबको दश दिन पछि भारतबाट रेल डिब्बा नेपाल पठाइने तय भएको पनि उनले जानकारी दिए । नेपाल सम्म आइपुग्न दश दिनको समय लाग्ने हुँदा औसतमा २० दिनपछि रेलसेट नेपाल पुग्ने बुझिएको छ । रेलसेट आइपुग्नासाथ सञ्चालनको तयारी अघि बढ्ने मिश्रले बताए । फागुनसम्म रेल संचालनमा ल्याउने तयारी गरिराखेका छौं,उनले भने ।

सरकारले भारतीय सरकारी कम्पनी कोनकान कम्पनीमार्फत रेल सेट खरीद प्रक्रिया अघि बढाएको छ । दुईवटा सेट खरीद गर्न लागिएकामा पहिलो सेट आइपुगेको केही समयपछि अर्काे आइपुग्ने मिश्रले बताए । ‘सेट आएपछि नै संचालनको तयारी हुनेछ,’मिश्रले बताए
सरकारले अहिले दुई वटा सेट खरीद गर्दा त्यसमा जम्मा १० डिब्बा रहन्छन् । यी दुई सेटको क्षमता १२ सय यात्रु सम्म बोक्ने रहेको उनले बताए । भारतको जयनगरबाट धनुषाको कुर्थासम्म ३५ किलोमिटर लम्बाइको यो रेलमार्गका अरु भौतिक पूर्वाधार निर्माण भइसकेको छ । यस क्षेत्रमा रेल लाइन तथा रेल्वे स्टेशन तयार भइसकेको उनले बताए । यसमा कुर्थाबाट विजलपुरा खण्ड १७ किलोमिटरसमेत गरेर ५२ किलोमिटर आगामी फागुनसम्म सम्पन्न हुने र त्यसपछि रेलसेवा त्यहाँसम्म बिस्तार गरिने योजना रहेको छ ।

‘पाँच हजार अर्ब डलरको अर्थव्यवस्थाको लक्ष्य कठीन छ तर असंभव छैन’

एनआईबि संवाददाता,नयाँ दिल्ली

भारत सरकारका केन्द्रिय सडक,परिवहन तथा राजमार्ग मन्त्री नितिन गडकरीले आगामी चार वर्षमा ५ ट्रिलियन(५ हजार अर्ब डलर)को अर्थव्यवस्था बनाउने सरकारको लक्ष्य कठीन भएको तर असंभव नभएको बताएका छन् । उनले आन्तरिक उत्पादन बढाउँदै आयात निर्भरता कम गरेर यो लक्ष्य हासिल गर्न संभव भएको बताएका छन् । प्रधानमन्त्री नरेन्द्र मोदीले दोश्रो कार्यकालको नेतृत्व संभाले लगत्तै देशको अर्थव्यवस्थालाइ आगामी पाँच वर्षमा ५ ट्रिलियन पुरयाउने सरकारको महत्वकाँक्षी लक्ष्य घोषणा गरेका थिए ।

यद्यपि भारतीय अर्थव्यवस्थाको स्वास्थ्य पछिल्लो एक वर्षमा खस्क्दै गएको तथा विश्व बैंक,एशियाली विकास बैंक,अन्तराष्ट्रिय मुद्रा कोष तथा रिजर्भ बैंक अफ इन्डिया समेतले आर्थिक वृद्धिको रफ्तार खुम्चिएको बताइरहेको बेलामा मन्त्री गडकरीले ५ ट्रिलियनको अर्थव्यवस्था हासिल गर्न असंभव नभएको दाबी गरेका छन् ।  यहि परिवेशमा  इन्दौरमा आयोजित इन्दौर व्यवस्थापन संगठनको अन्तराष्ट्रिय प्रवंधन सम्मेलनलाइ सम्बोधन गर्दै गडकरीले भने, ‘कुनै पनि लक्ष्य हासिल गर्न मजबुत राजनीतिक इच्छाशक्ति आवश्यक हुन्छ । सोही इच्छाशक्ति अनुरुप प्रधानमन्त्री मोदीले देशको अर्थव्यवस्था ५ ट्रिलियन पुरयाउने लक्ष्य निर्धारण गरेका हुन् । ’

केन्द्रिय मन्त्रीले भने, यो लक्ष्य प्राप्त गर्न कठिन छ तर असंभव छैन् । मुलुकमा संसाधन र उत्पादन क्षमताको कमी नरहेको भन्दै गडकरीले भने, यसका बाबजुद पनि हामीे औषधि, चिकित्सा उपकरण,कोयला,ताँबा तथा पेपर लगायतका सामानको आयातमा करोडौ रुपैया खर्चिरहेका छौ । उनले भने, यदि हामीले लक्ष्य हासिल गर्नुछ भने हामीले आयात विस्थापित गर्दै घरेलु उत्पादन बढाउनु पर्छ ।’उनले विभिन्न क्षेत्रमा सही नजरिया तथा नेतृत्वको कमी भएको समेत उल्लेख गरे ।

गडकरीले सरकारको योजना दोहर्याउँदै विकास वृद्धिकालागि साना,घरेलु तथा मध्यम वर्गीय उद्योगीहरुको सहभागिता बढाउने तथा निर्यातलाइ बढावा दिने सरकारको योजना रहेको बताए । त्यसले मुलुकमा पाँच करोड नयाँ रोजगारी सिर्जना गर्न मदत पुग्ने विश्वास पनि उनले व्यक्त गरे ।

हालको सुस्त अर्थव्यवस्थाबारे आफ्नो टिप्पणि दिदै उनले भने, ‘हामी विश्वमा द्रुत गतिमा विकास गर्ने अर्थव्यवस्था हौ तर व्यवसायमा एउटा चक्र हुन्छ । वैश्विक अर्थव्यवस्था तथा माँग र आपूर्तिमा अन्तर भएको कारण कुनै कुने बेला चुनौती उत्पन्न हुन जान्छ । तर भारतको भविष्य युवा पुस्तामा निर्भर छ जुन चुनौतीपूर्ण अवस्थालाइ अवसरमा परिवर्तन गर्न सक्षम छन् ।’

महंगाईका कारण अब खाद्यान्न पसलमा तरकारी बेच्ने योजनामा भारत

एनआईबि संवाददाता, नयाँ दिल्ली

भारत सरकारले महंगाईका कारण अप्ठेरोमा परेका उपोभोक्तालाई राहत दिन आगामी बजेटमा केही योजना ल्याउन सक्ने अनुमान गरिएको छ।भारतीय सञ्चारमाध्यमको समाचार अनुसार नीति आयोगले तरकारीको बढ्दो मूल्यलाई ध्यानमा राख्दै जन वितरण प्रणाली (पीडीएस) अनुसार तरकारी बेच्न सरकारलाई सुझाव दिएको छ।

आलु, टमाटर, प्याजको बढ्दो मूल्यलाई काबुमा राख्न पीडीएसको हिस्सा बनाउन आयोगले सरकारलाई आग्रह गरेको बताइएको छ। आयोगको सुझावलाई वित्तमन्त्री सीतारमणले १ फरवरीमा पेश गर्ने बजेटमा अपनाउन सक्ने बताइएको छ।

नीति आयोगका अनुसार तरकारी पीडीएस प्रणालीमा बिक्रि गर्दा मूल्यमा आएको उताड चडावमा नियन्त्रण आउनुका साथै यस क्षेत्रमा सरकारले दिएको अनुदानको पनि पूर्ण रुपमा उपयोग हुने बताएको छ।

आयोगको आकलन अनुसार उपभोक्ताको कुल आम्दानीको ५० देखि ५५ प्रतिशत हिस्सा खानपिनमा खर्च हुने गर्छ। त्यसैले आम उपोभोक्तासँग सरकार पनि बढ्दो महंगीका कारण अप्ठेरोमा परेको छ। जसरका कारण आगामी बजेटमा नयाँ रणनीति अख्तियार गर्ने सोचमा रहेको समाचारमा जनाइएको छ।

एनसीपी प्रमुख पवारले प्याज निर्यात खुकुलो गर्न केन्द्रीय वाणिज्यमन्त्रीसँग छलफल गर्ने

एनआईबि संवाददाता, नयाँ दिल्ली

राष्ट्रवादी कांग्रेस पार्टीका  (एनसीपी) प्रमुख शरद पवारले प्याजा निर्यातमाथि लागेको प्रतिबन्ध हटाउ केन्द्रीय वाणिज्यमन्त्री पियुष गोयललाई भेट्ने बताएका छन्।

यस्तै पवारले उदव ठाक्क्रे सरकारले महाराष्ट्रका किसानको ऋण माफ गर्ने नीतिले राज्यको ८५ प्रतिशत किसान लाभान्वित हुने बताए।
‘म केही दिनभित्रमै केन्द्रीय वाणिज्यमन्त्री गोयललाई भेट्दै छु। भेटका क्रममा प्याजा निर्यातमा केन्द्र सरकारले लगाएको प्रतिबन्ध हटाउने विषयमा छलफल गर्ने छु,’ पवारले बताएका छन्।

खाद्य भण्डारण गर्ने उपर्युक्त ठाउँको अभावमा किसानले वेमौसमी वर्षातमा मुश्कील झेल्नु परेको भन्दै पवारले सरकारले उपर्युक्त भण्डारण केन्द्रको निर्माण गर्नुपर्ने माग गरेको आजको द टाइम्स अफ इन्डियामा समाचार प्रकाशित छ।

महाराष्ट्रमा २ लाखभन्दा कम ऋण भएका किसानको संख्या ८५ प्रतिशत रहेको बताउँदै उनीहरुको ऋण माफ गर्ने राज्य सरकारले घोषणा गरेको बताउँदै बाँकी १५ प्रतिशत किसानका विषयमा आगामी बजेटमा विचार गरिने पवारले बताएका छन्।

भारतीय नोटमा लक्ष्मीको फोटो अंकित गर्न भाजपा सांसद स्वामीको सुझाव

एनआईबि संवाददाता, नयाँ दिल्ली

भारतीय मुद्रामा भगवान लक्ष्मीको फोटो राख्दा भारतीय अर्थतन्त्रमा सुधार आउन सक्ने भारतीय जनता पार्टीका नेता एवंम सांसद सुब्रमण्यन स्वामीले बताएका छन्।

इन्डोनेसियाको मुद्रामा हिन्दु भगवान गणेशको फोटो अंकित रहेको छ। भारतीय मुद्रामा यस्तो केही हुन सक्छ कि भन्ने पत्रकारहरुको प्रश्नको जवाफ दिँदै सांसद स्वामीले भन्छन् ‘भगवान गणेशले बाँधाहरुले टाढा राख्छन्। मेरो व्यक्तिगत विचारमा भारतीय मुद्रामा भगवना लक्ष्मीको फोटो अंकित गर्ने हो भने मुद्रा मजबुत हुन्छ भन्ने मेरो विश्वास छ।’

स्वामीले त्यो विषयमा प्रधानमन्त्री नरेन्द्र मोदीले अझ वृतितमा जवाफ दिन सक्ने बताउँदै आफू लक्ष्मीको फोटो भारतीय मुद्रामा अंकित गर्नुपर्ने पक्षमा भएको बताएका छन्। भारतीय मुद्रामा महात्मा गान्धीको फोटो अंकित रहेको छ।

लक्ष्मीको फोटो अंकित गर्दा कुनै पनि भारतीयलाई आपत्ति हुनुपर्ने कुरा नभएको सांसद स्वामीको दाबी रहेको यो समाचार आजको हिन्दुस्तान टाइम्समा प्रकशित छ।

राष्ट्र संघले परिर्वतन गर्यो भारतको आर्थिक वृद्धिसम्बन्धि पूर्व अनुमान

एनआईबि संवाददाता, नयाँ दिल्ली

संयुक्त राष्ट्र संघले भारतका आर्थिक वृद्धिदर सम्बन्धि आफ्नो पूर्व अनुमानमा परिर्वतन गरेको छ। बिहिवार राष्ट्र संघले चालु आर्थिक वर्षमा भारतको आर्थिक वृद्धिदर ५ दशमलव ७ प्रतिशत हुने अनुमान गरेको हो। यो वृद्धिदर राष्ट्र संघले पूर्व अनुमान गरेको भन्दा कम हो।

यस्तै राष्ट्र संघको एक अध्ययनले केही देशको आर्थिक वृद्धिदर (जीडीपी) मा भने यो वर्ष तिव्रता आउने अनुमान गरेको छ। अघिल्लो वर्ष विश्वको आर्थिक वृद्धिदर २ दशमलव ३ प्रतिशत रहेपछि राष्ट्र संघलेले आफ्नो यस्तो प्रक्षेपण सार्वजनिक गरेको हो।

राष्ट्र संघलको विश्व आर्थिक स्थिति र सम्भावना, २०२० का अनुसार सन् २०२० मा विश्वको आर्थिक वृद्धिदर २ दलमलव ५ प्रतिशत रहने अनुमान गरेको छ। यद्यपि विश्वमा हाल देखिएको व्यापार तनाव, वित्तिय क्षेत्रको गिर्दो अवस्था, भू रभजनीतिक तनाव बढ्यो भने यो अनुमानमा कमी आउन सक्नेमा पनि राष्ट्र संघ सचेत रहेको द इकनोमिक्स टाइम्स्मा प्रकाशित समाचारमा जनाइएको छ।

राष्ट्र संघको रिर्पोटमा भारतको आर्थिक वृद्धिदर ५ दलमलव ७ प्रतिशत हुने अनुमान गरिदै गर्दा डब्ल्यूईएसपीले भने सन् २०१९ मा भारतको आर्थिक वृद्धिदर ७ दशमलव ६ प्रतिशत हुने अनुमान गरेको थियो।

भारतको तथ्यांक विभागले केही दिनअघि सार्वजनिक गरेको सन् चालू आर्थिक वर्ष २०१९–२०२० मा भारतको आर्थिक वृद्धिदर ५ प्रतिशत रहेन अनुमान गरेको थियो।

दोस्रो अन्तरदेशिय पेट्रोलियम पाइपलाइन सम्भाव्यता अध्ययन गर्न भारत सकारात्मक

एनआईबि संवाददाता, काठमाडौँ

१६ जनवरी २०२०

नेपाल–भारतबीच दोस्रो अन्तरदेशिय पेट्रोलियम पाइपलाइन विस्तार गर्ने विषयमा सम्भावव्यता अध्ययन गर्न भारतीय पक्ष सकारात्मक देखिएको छ। गत भदौमा नेपालका प्रधानमन्त्री केपी शर्मा ओली र भारतीय प्रधानमन्त्री नरेन्द्र मोदीले संयुक्त रुपमा भिडियो कन्भरेन्सबाट पहिलो पेट्रोलियम पाइपलाइन उद्घाटन पछि दोस्रो पेट्रोलियम पाइपलाइन सम्भाव्यता अध्ययन गर्न भारतीय पक्ष सकारात्मक भएको हो।

नेपाल–भारत पेट्रोलियम तथा ग्याँस संयुक्त कार्य समुह(जेडब्लुजी) को  पहिलो बैठकमा भारतको सिलगुडीबाट नेपालको झापासम्म दोस्रो अन्तरदेशिय पेट्रोलियम पाइपलाइन विस्तार गर्ने विषयमा सम्भाव्यता अध्ययन गर्ने विषयमा छलफल भएको उद्योग वाणिज्य तथा आपूर्ती मन्त्रालयका सह–सचिव ध्रुव घिमिरेले जानकारी दिएका छन्।

यसका लागि नेपाल आयल निगमले पेश गरेको आयोजना प्रस्तावको आधारमा भारतीय आयल निगमले पाइपलाइन सम्भाव्यता मूल्यांकन गर्नेछ। पुष २७ र २८ गते भारतको नयाँ दिल्लीमा यसै विषयमा छलफल भएको थियो। छलफलमा  नेपाली भ्रमण टोलीको नेतृत्व उद्योग वाणिज्य तथा आपूर्ति मन्त्रालयका सह-सचिव घिमिरेले गरेका थिए।

बैठकमा पेट्रोलियम पदार्थका नियमित आपूर्ति, नेपालमा पेट्रोलियम पूर्वाधारको विकास, मोतिहारी अमलेखगंज अन्तरदेशिय पेट्रोलियम पाइपलाइन पूर्ण क्षमतामा सञ्चालन तथा नेपालमा पेट्रोलियम पदार्थको भण्डारण केन्द्र निर्माणमा सहयोग आदान–प्रदान गर्ने विषयमा छलफल भएको छ।

उद्योग वाणिज्य तथा आपूर्ती मन्त्रालयका सह–सचिव घिमिरेले भन्छन्, ‘नेपाल भारत पहिलो अन्तरदेशिय पाइपलाइन पूर्ण रुपमा सञ्चालन गर्न र दोस्रो अन्तरदेशिय पेट्रोलियम पाइपलाइन निमार्ण गर्ने विषयमा भारतीय पक्ष सकारात्मक देखिएको छ।’

यस्तै बाराको अमलेखगंजबाट चितवनको लोथरसम्म पेट्रोलियम तथा ग्याँस पाइपलाइन विस्तार गर्ने सम्बन्धमा विस्तृत प्राविधिक प्रतिवेदन तयार गरी संयुक्त कार्य समुहमा प्रतिवेदन पेश गर्न संयुक्त अध्ययन टोली गठन गर्ने, अमलेखगन्ज डिपोको बाँकी स्तरोन्नतीको कार्य छिट्टै सम्पन्न गर्ने, झापा र धनुषामा बन्ने निगमको बोटलिङ प्लाण्टमा भारतीय आयल निगमले प्राविधिक सहयोग उपलब्ध गराउने लगायतका विषयमा पनि दुई पक्षबीच समझदारी बनेको सह–सचिव घिमिरेले जानकारी दिएका छन्।

घिमिरेको नेतृत्वमा नेपाल आयल निगमका प्रमुख कार्यकारी अधिकृत सुरेन्द्रकुमार पौडेल, निगमका नायव कार्यकारी अधिकृत सुशील भट्टराईलगायत ८ जना पदाधिकारीहरुको बैठकमा सहभागिता रहेको थियो। भारतका तर्फबाट पेट्रोलियम तथा नेचुरल ग्याँस मन्त्रालयका सह-सचिव वि.एन. रेड्डीको नेतृत्वमा ११ सदस्यीय प्रतिनिधीमण्डल सहभागी रहेको मन्त्रालयले जानकारी दिएको हो।

संसदमा बजेट सार्वजनिक हुने दिन भारतभरका बैंक बन्द रहने

एनआईबि संवाददाता, नयाँ दिल्ली

भारतीय बैंक संघसँग तवलवृद्धि सम्बन्धि वार्ता विफल भएपछि यूनाइटेड फोरम फर बंैकले ३१ जनवरी र १ फरवरीमा देशव्यापी बैंक बन्दको आव्हन गरेको छ। यससँग ११, १२ र १३ मार्चमा पनि फोरमले बैंक बन्द गर्ने निर्णय गरेको छ भने अप्रिलमा अनिश्चित कालिन बैंक बन्द गर्ने चेतावनी पनि दिएको छ।

मार्च महिनमा होली र अन्य छुट्टका कारण करीब आठ दिन बैंक बन्द रहने छ। योसँगै फोरमले बैंक बन्द गर्ने निर्णय गर्दा त्यसको असर आम जनतामा पर्ने निश्चित देखिन्छ।

१० केन्द्रिय टे«ड यूनियनले केन्द्र सरकराको आर्थिक नीतिको विरोध गर्दै आड जनवरीमा भारत बन्द गरेको थियो। ३१ जनवरीमा भारत सरकारले आर्थिक सर्वे सार्वजनिक गर्ने कार्यक्रम छ भने १ फरवरीमा आगामी नयाँ आर्थिक वर्षका लागि बजेट सार्वजनिक गर्ने कार्यक्रम रहेको छ।

निरन्तर बढ्दै गएको महंगाईका कारण हालको तलवले घर चलाउन मुश्किल रहेको बताउँदै यूनाइटेड फोरम फर बैंकले तवल वृद्धिको माग गरेको थियो। आजको इकनोमिस्ट टाइम्समा प्रकाशित समाचारमा जनाइए अनुसरा बैंक संघले तवलवृद्धिको माग पुरा गर्न नसक्ने बताएपछि फोरम चरणबद्ध आन्दोलनमा उत्तिन लागेको  जनाइएको छ।

दिल्ली विश्वविद्यालयका विद्यार्थी भ्रमण वर्षको प्रचारमा

एनआईबि संवाददाता,नयाँ दिल्ली

नेपाल सरकारको भ्रमण वर्ष२०२० अभियानलाइ सहयोग गर्ने उद्धेश्यले भारतको दिल्ली विश्वविद्यालय(डियू)मा अध्ययनरत विद्यार्थीहरुले एक कार्यक्रम आयोजना गरे । डियुको शंकरलाल हलमा आयोजना गरिएको कार्यक्रममा नेपाल भ्रमण वर्षको प्रचार प्रसार र प्रवद्र्धनमा विद्यार्थीहरुलाइ सहभागी हुन आह्वान गरिएको थियो ।

कार्यक्रममा भारतकालागि नेपालका राजदूत नीलाम्बर आचार्यले सरकारको पर्यटन वर्षको लक्ष्यमा सहभागी हुन डियुमा अध्ययनरत विद्यार्थीहरुलाइ आह्वान गरे । उनले नेपाल भारतबीचको ऐतिहासिक,धार्मिक,सामाजिक–साँस्कृतिक सम्बन्ध बारे व्याख्या गर्दै नेपालको पर्यटकीय संभावनाबारे व्याख्या गरेका थिए ।

कार्यक्रममा विशेष अतिथि भारतीय साँस्कृतिक परिषद (आइसीसीआर)का अध्यक्ष डा.विनय प्रभाकर सहस्रबुद्धिले नेपाल भारत बीचको सम्बन्धको मजबुत र साझा आधार ‘आध्यात्मिक लोकतन्त्र’ रहेको बताए । दुइ मुलुकबीचको घनिष्ट सम्बन्धहरुलाइ केलाउँदै सहस्रबुद्धिे भने, ‘यी दुइ मुलुकलाइ बाँध्ने साझा आधार भनेकै आध्यात्मिक लोकतन्त्र हो । जुन नेपालमा राजतन्त्रका समयमा पनि थियो । यो लोकतान्त्रिक गतिको आधार पनि हो ,उनले थपे ।

कार्यक्रममा पर्यटन वर्ष अभियानको नारा ‘एक्सपिरियन्स नेपाल’को प्रशंसा गर्दै उनले भने,‘ हरेक मुलुकका आ आफ्नै सभ्यता, मुल्य, मान्यता, कला संस्कृति,भाषा र जनजीवन हुन्छ । त्यसलाइ कुनै नक्सा, वेवसाइट तथा सामाजिक संजालमा देखेर पढेर अनुभव गर्न सकिदैन। स्थलगत भ्रमण गर्नुपर्छ ।’ नेपाल र भारत जस्ता विविधताले भरिएको मुलुकलाइ घुमेर मात्र अनुभव गर्नसकिने भन्दै उनले भने, ‘नेपाली जनजीवन जान्नकालागि पनि एक पटक नेपाल घुम्नै पर्छ ।’

दुवै मुलुकका विद्यार्थीहरुको संयुक्त आयोजनामा भएको कार्यक्रमको सराहना गर्दै भने ‘नेपालको सुन्दरताभन्दा पनि नेपाली जनताको सुन्दर मनका कारण नेपाल भारत सम्बन्ध घनिष्ट बनाएको छ ।’

कार्यक्रममा सहभागी युवाहरुलाइ सरकारको पर्यटकीय प्रवद्र्धन अभियानको विभिन्न आयाम बारे बताउँदै भ्रमण वर्षका राष्ट्रिय संयोजक सुरज वैद्यले भ्रमण वर्ष पर्यटकको संख्यामा मात्र सिमित रहेर समग्रमा नेपाल सेलिब्रेट गर्ने एउटा उत्सव रहेको बताए । भ्रमण वर्ष युवा पुस्तामा निर्भर रहेको भन्दै उनले युवाहरुलाइ स्वदेश फर्केर पर्यटनको क्षेत्रमा हातेमालो गर्दै अघि बढन आह्वान गरे ।

विश्वले आज पनि नेपालको बारेमा वास्तविक सुचना नपाइरहेको वास्तविकता साझा गर्दै बैद्यले भने, ‘हामीसँग भएका अपार पर्यटकीय सम्पदाहरुलाइ विश्वमा प्रचार गर्ने समय आएको छ । हाम्रा सबल पक्षहरु विश्वलाइ सुनाउने बेला आएको छ । तपाईको सीप ज्ञान र अुनभव लिएर नेपाल आउनुहोस, भ्रमण वर्ष तपाइहरुमा निर्भर छ ।’

भ्रमण वर्षका सदस्य वासुदेव शास्त्रीले नेपालको पशुपतिनाथ, मुक्तिनाथ लगायतका धार्मिक तीर्थस्थलमा भारतबाट सबैभन्दा बढि आध्यात्मिक पर्यटक जाने गरेको बताउँदै उनले ‘शिवशक्ति सर्किट’ ब्राण्डिंगको अवधारणा अघि बढाएको उल्लेख गरे । ‘ नेपालको ७७ जिल्लालाइ जोडेर शिवशक्ति सर्किटको निर्माण गर्दैछौं , आउँदो दश वर्षमा नेपालमा धार्मिक पर्यटन भित्रयाउनकालागि यो सर्किट ठूलो आधार बन्ने विश्वास लिएका छौं ’,उनले भने ।

विदेशी विद्यार्थी रजिष्ट्रेसन विभागकी सल्लाहकार प्रोफेसर श्यामा राथले दिल्ली विश्व विद्यालय अन्तर्गतका सत्तरी बढि कलेजहरुमा भएका ट्राभल एण्ड टुरिजम सोसाइटिहरुका माध्यमबाट नेपालको पर्यटन प्रवद्र्धनमा सहयोग गर्न सकिने सुझाव प्रस्तुत गरिन । उनले प्रत्येक वर्ष डियुले आयोजना गर्ने विद्यार्थीहरुको विदेश भ्रमणको तालिकामा नेपाल गन्तव्यलाइ समावेश गराएर विद्यार्थीहरुलाइ नेपाल नजीकबाट अनुभव गराउन सकिने सुझाव दिइन ।

उनले भनिन,‘दिल्ली विश्वविद्यालय अन्तर्गतका कलेजमा अध्ययन गरिरहेका भारतीय तथा विदेशी विद्यार्थीहरुलाइ पर्यटन वर्षमा एक पटक नेपाल भ्रमण गराएर भ्रमण वर्षको सन्देश प्रवाहित गराउन सकिन्छ । ’

भारतबाट विद्यार्थीहरुलाइ नेपाल भ्रमण गराउन सहयोग गर्न आइसीसीआरलाइ आग्रह गरेको जानकारी गराउँदै नेपाल विद्यार्थी संघ, भारतका पूर्व सभापति तथा नेपाली कांग्रेसका युवा नेता सन्दीप रानाले भ्रमण वर्षमा सहभागी हुन विद्यार्थीहरुलाइ आह्वान गरे ।

कार्यक्रममा शैक्षिक विभागकी संयुक्त डिन डा. पायल मागो, दिल्ली विश्वविद्यालय विद्यार्थी युनियनका अध्यक्ष अक्षत दहिया लगायतले नेपाली विद्यार्थीहरुको प्रशंसा गर्दै जुनसुकै किसिमको सहयोग गर्ने प्रतिवद्धता जनाएका थिए । कार्यक्रममा डियु नेपाली विद्यार्थी युनियनका अध्यक्ष रेशम गैरे,भारतमा सीए अध्ययनरत विद्यार्थी, प्रवासी नेपाली समुदाय, लगायत अन्य विदेशी विद्यार्थीहरु सहभागी थिए । नेपाली कला सँस्कृति झल्किएको कार्यक्रमको दोश्रो सत्रमा  साँस्कृतिक कार्यक्रम प्रस्तुत गरिएको थियो । कार्यक्रम डियु नेपाली विद्यार्थी युनियन तथा दिल्ली विश्वविद्यालय विद्यार्थी युनियनले संयुक्त रुपमा आयोजना गरेका थिए ।

कार्यक्रम थप  तस्वीर :

Nepal news headlines | breaking news kathmandu | national news of nepal live