वायुसेवा कम्पनीहरुले ७० कटेका नागरिकलाइ छुट दिन नसक्ने

तस्वीर श्रोतःयोगेश भट्टराइको फेसबुक

Share Social Media
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

एनआइबि संवाददाता,नयाँ दिल्ली

वायुसेवा प्रदायक कम्पनीहरुको छाता संगठन नेपाल वायुसेवा सन्चालक संघले हवाइ भाडामा नागरिकलाइ कुनै पनि निश्चित छुट दिन नसकिने बताएको छ । संघले पर्यटन,नागरिक तथा नागरिक उड्डयन मन्त्रालयलाइ पत्राचार गर्दै वायुसेवा कम्पनी सरकारले घोषणा गरेको छुट दिन नसक्ने स्पष्ट पारेको हो । तीन दिन अघि पर्यटनमन्त्री योगेश भट्टराइले आफनो एक वर्षे कार्ययोजना सार्वजानिक गर्दै ७० वर्ष उमेर माथिका नागरिकलाइ हवाइ भाडामा ५० प्रतिशत छुट दिइने घोषणा गरेका थिए । छुट सरकारले दिने अथवा वायूसेवा प्रदायक कम्पनीहरुले दिने निक्र्यौल नै नगरी मन्त्री भट्टराइले फ्याट्टै घोषणा गरे । नियमकानुनले पनि छुट दिने निर्णयलाइ बाध्यात्मक बनाउन नसकिने संघले बताएको छ ।

संघले पठाएको पत्रमा नेपाल नागरिक उड्डयन प्राधिकरण ऐन २०५३ र नागरिक उडड्यन नियमावली , २०५८मा समेत त्यस्तो कुनै बाध्यात्मक व्यवस्था नरहेको हुँदा आफूहरुले छुट दिन नसक्ने उल्लेख गरेको छ । तर सरकारले छुट दिने नीति लिएमा त्यसलाइ लागु गर्न भने तयार रहेको संघले स्पष्ट पारेको छ । वायुसेवा प्रदायक कम्पनीको असमर्थता पछि यो निर्णयमा पर्यटनमन्त्री भट्टराइको गृहकार्य फितलो देखिएको छ ।  जनतामा विश्वासिला युवा नेताको छवि बनाएका पर्यटनमन्त्री भट्टराइले जिम्मेबारी संभालेको प्रारम्भिक कालमै आफू हलुको बन्ने निर्णयहरु गरेका छन् । सस्तो प्रचारकालागि जनता लोभ्याउने प्रतिवद्धता सार्वजानिक गर्नु भन्दा पुरा गर्न सकिने विकासका व्यवहारिक कार्यमा ध्यान दिए पर्यटनमन्त्रीको ख्याति थप चुलिन्थ्यो होला ।


Share Social Media
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *

Nepal news headlines | breaking news kathmandu | national news of nepal live